ye khamoshi miri khamoshi hai — Azhar Faragh

vasl ke ek hi jhonke mein
kaan se baale utar gae

teri sharton pe hi karnaa hai agar tujh ko qubul
ye suhulat to mujhe saaraa jahaan detaa hai

daftar se mil nahin rahi chhuTTi vagarna main
baarish ki ek buund na be-kaar jaane duun

jab tak maathaa chuum ke rukhsat karne vaali zinda thi
darvaaze ke baahar tak bhi munh mein luqma hotaa thaa

ye nahin dekhte kitni hai riyaazat kis ki
log aasaan samajh lete hain aasaani ko

main jaantaa huun mujhe mujh se maangne vaale
paraai chiiz kaa jo log haal karte hain

fazaa udaas hai rut muzmahil hai main chup huun
jo ho sake to chalaa aa kisi ki khaatir tu

siina dahak rahaa ho to kyaa chup rahe koi
kyuun chikh chikh kar na galaa chhil le koi

saal-haa-saal se khaamosh the gahre paani
ab nazar aae hain aavaaz ke aasaar mujhe

raat yuun dil mein tiri khoi hui yaad aai
jaise viraane mein chupke se bahaar aa jaae

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

saaqi ye khamoshi bhi to kuchh ghaur-talab hai
saaqi tire mai-khvaar baDi der se chup hain