sāl-hā-sāl se ḳhāmosh the gahre paanī — Zafar Iqbal

ye ham jo peT se hī sochte haiñ shaam o sahar
kabhī to jā.eñge is dāl-bhāt se aage

phir sar-e-sub.h kisī dard ke dar vā karne
dhaan ke khet se ik mauj-e-havā aa.ī hai

vo maqāmāt-e-muqaddas vo tire gumbad o qaus
aur mirā aise nishānāt kā zaa.er honā

tanhā rahne meñ bhī koī uzr nahīñ hai
lekin us ke saath hī tanhā rah saktā huuñ

hamārā ishq ravāñ hai rukāvaToñ meñ 'zafar'
ye ḳhvāb hai kisī dīvār se nahīñ ruktā

vo chehra haath meñ le kar kitāb kī sūrat
har ek lafz har ik naqsh kī adā dekhūñ

fazā udaas hai rut muzmahil hai maiñ chup huuñ
jo ho sake to chalā aa kisī kī ḳhātir tū

raat yuuñ dil meñ tirī khoī huī yaad aa.ī
jaise vīrāne meñ chupke se bahār aa jaa.e

har ek baat ko chup-chāp kyuuñ sunā jaa.e
kabhī to hausla kar ke nahīñ kahā jaa.e

jā paḌe chup ho ke jab shahr-e-ḳhamoshāñ meñ 'nazīr'
ye ġhazal ye reḳhta ye sher-ḳhvānī phir kahāñ

saaqī ye ḳhamoshī bhī to kuchh ġhaur-talab hai
saaqī tire mai-ḳhvār baḌī der se chup haiñ

kyā ḳhuub tum ne ġhair ko bosa nahīñ diyā
bas chup raho hamāre bhī muñh meñ zabān hai