ham ne jin ko sachchaa jaanaa — Baqa Baluch

zindagi se zindagi ruThi rahi
aadmi se aadmi barham rahaa

garmi-e-shiddat-e-jazbaat bataa detaa hai
dil to bhuli hui har baat bataa detaa hai

jism apne faani hain jaan apni faani hai faani hai ye duniyaa bhi
phir bhi faani duniyaa mein jaavedaan to main bhi huun jaavedaan to tum bhi ho

ek uljhan raat din palti rahi dil mein ki ham
kis nagar ki khaak the kis dasht mein Thahre rahe

main kinaare pe khaDaa huun to koi baat nahin
bahtaa rahtaa hai tiri yaad kaa dariyaa mujh mein

tu khush hai apni duniyaa mein
main tiri yaad mein jaltaa huun

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

main pahle be-baak huaa thaa josh-e-mohabbat mein
meri tarah phir us ne bhi sharmaanaa chhoDaa thaa

jo yahaan khud hi lagaa rakkhi hai chaaron jaanib
ek din ham ne isi aag mein jal jaanaa hai

ishrat-e-qatra hai dariyaa mein fanaa ho jaanaa
dard kaa had se guzarnaa hai davaa ho jaanaa