teri har baat pe chup rahte hain — Baqi Siddiqui

is badalte hue zamaane mein
tere qisse bhi kuchh puraane lage

kuchh na paa kar bhi mutmain hain ham
ishq mein haath kyaa khazaane lage

yahi rasta hai ab yahi manzil
ab yahin dil kisi bahaane lage

rang-e-dil rang-e-nazar yaad aayaa
tere jalvon kaa asar yaad aayaa

ek hansti hui badli dekhi
ek jaltaa huaa ghar yaad aayaa

dosti khun-e-jigar chaahti hai
kaam mushkil hai to rasta dekho

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

chup rah ke guftugu hi se paDtaa hai tafarqe
hote hain dono honT judaa ik sadaa ke saath

chupkaa khaDaa huaa huun kidhar jaaun kyaa karun
kuchh sujhtaa nahin hai mohabbat ki raah mein

khamoshi dil ko hai furqat mein din raat
ghaDi rahti hai ye aaThon pahar band

izhaar-e-khamoshi mein hai sau tarah ki fariyaad
zaahir kaa ye parda hai ki main kuchh nahin kahtaa