tire visaal mein shaamil tiri judaai hai — Chandrakant Rawat

musibat sar pe munh baae khaDi hai
tujhe ai dil mohabbat ki paDi hai

kaam ko imaan se anjaam detaa chal bashar
jaane kis surat mein teraa mehnataana aaegaa

tar-ba-tar ho kar rahein taa-zindagi
ai ghaTaa ik roz ham par yuun baras

ai mire dost ek muddat se
chaand dekhaa nahin teri chhat se

apni samjhe the magar nikli paraai zindagi
jaane kis miTTi ki thi qaabu na aai zindagi

mohabbat chaahiye to kar mohabbat
mohabbat dar mohabbat dar mohabbat

is qadar musalsal thiin shiddatein judaai ki
aaj pahli baar us se main ne bevafaai ki

is judaai mein tum andar se bikhar jaaoge
kisi maazur ko dekhoge to yaad aaungaa

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

firaaq-e-khuld se gandum hai sina-chaak ab tak
ilaahi ho na vatan se koi gharib judaa

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho