vuzu hotaa hai yaan to shaikh usi aab-e-gulaabi se — Dattatriya Kaifi

rahne de zikr-e-kham-e-zulf-e-musalsal ko nadim
us ke to dhyaan se bhi hotaa hai dil ko uljhaao

jo chashm-e-dil-rubaa ke vasf mein ashaar likhtaa huun
to har har lafz par ahl-e-nazar ik saad karte hain

tum se ab kyaa kahein vo chiiz hai daagh-e-gham-e-ishq
ki chhupaae na chhupe aur dikhaae na bane

dam ghanimat hai saaliko meraa
jaras-e-daur ki sadaa huun main

ye chalan hain to tumhein hashr se deinge tashbih
log saffaak kaheinge baDi rusvaai hai

vafaa par daghaa sulh mein dushmani hai
bhalaai kaa hargiz zamaana nahin hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

apne liye tajviz ki shamshir-e-barhana
aur us ke liye shaakh se ik phuul utaaraa

kabhi tegh-e-tez supurd ki kabhi tohfa-e-gul-e-tar diyaa
kisi shaah-zaadi ke ishq ne miraa dil sitaaron se bhar diyaa

vo aaina ho yaa ho phuul taara ho ki paimaana
kahin jo kuchh bhi TuuTaa main yahi samjhaa miraa dil hai