us se milnaa to use eid-mubaarak kahnaa — Dilawar Ali Aazar

sukhan-saraai koi sahl kaam thoDi hai
ye log kis liye janjaal mein paDe hue hain

badan ko chhoD hi jaanaa hai ruuh ne 'aazar'
har ik charaagh se aakhir dhuaan nikaltaa hai

ik din jo yunhi parda-e-aflaak uThaayaa
barpaa thaa tamaashaa koi tanhaai se aage

vahi sitaara-numaa ik charaagh hai 'aazar'
miraa khayaal thaa niklegaa taaq se kuchh aur

use kisi se mohabbat na thi magar us ne
gulaab toD ke duniyaa ko shak mein Daal diyaa

us se kuchh khaas ta'alluq bhi nahin hai apnaa
main pareshaan huaa jis ki pareshaani par

iid par masrur hain donon miyaan biivi bahut
ik kharidaari se pahle ik kharidaari ke baad

muddaton baa'd kabhi ai nazar aane vaale
iid kaa chaand na dekhaa tiri surat dekhi

eid ko bhi vo nahin milte hain mujh se na milein
ik baras din ki mulaaqaat hai ye bhi na sahi

ai havaa tu hi use eid-mubaarak kahiyo
aur kahiyo ki koi yaad kiyaa kartaa hai

chhup gayaa eid kaa chaand nikal kar der hui par jaane kyon
nazrein ab tak Tiki hui hain masjid ke minaaron par

aaj yaaron ko mubaarak ho ki subh-e-eid hai
raag hai mai hai chaman hai dilrubaa hai diid hai