ushshaaq jaan-ba-kaf khaDe hain tere aas-paas — Faez Dehlvi

vahi qadr 'faaez' ki jaane bahut
jise ishq kaa zakhm kaari lage

gul kuun ai shokh mukh tanik dikhlaa
ki khizaan kar dikhaa de us kuun bahaar

jo kahiye us ke haq mein kam hai be-shak
pari hai huur hai ruh-ul-amin hai

tujh badan par jo laal saari hai
aql us ne miri bisaari hai

tujh ko hai ham se judaai aarzu
mere dil mein shauq hai didaar kaa

abr kaa saaya o sabza raah kaa
jaan-e-man rath ki savaari yaad hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

sharaab ghair ko de kar jalaa na har karvaT
na dil ko aag pe tu surat-e-kabaab phiraa

show-case mein rakkhaa huaa aurat kaa jo but hai
gungaa hi sahi phir bhi dil-aavez bahut hai

aaj aayaa hai apnaa dhyaan hamein
aaj dil ke nagar se guzre hain

use hi baat sunaane ko dil nahin kartaa
vo shakhs jis ke liye zindagi samaaat thi