khauf gharqaab ho gayaa 'faisal' — Faisal Ajmi

main zakhm khaa ke giraa thaa ki thaam us ne liyaa
muaaf kar ke mujhe intiqaam us ne liyaa

ab vo titli hai na vo umr taaaqub vaali
main na kahtaa thaa bahut duur na jaanaa mire dost

kabhi dekhaa hi nahin us ne pareshaan mujh ko
main ki rahtaa huun sadaa apni nigahbaani mein

us ko jaane de agar jaataa hai
zahr kam ho to utar jaataa hai

harf apne hi maaani ki tarah hotaa hai
pyaas kaa zaaiqa paani ki tarah hotaa hai

dukh nahin hai ki jal rahaa huun main
raushni mein badal rahaa huun main

kirshn 'mohan' ye bhi hai kaisaa akelaa-pan ki log
maut se Darte hain main to zindagi se Dar gayaa

duur ham se hain vo to kyaa Dar hai
paas hai apne aarsi dil ki

ye idaare bhi na honge jab to hai is kaa bhi Dar
chalti-phirti shaaeri hogi yahaan har road par

main to is Dar se kuchh nahin kahtaa
tu mabaadaa udaas ho jaave

nayaa saal divaar par Taang de
puraane baras kaa calendar giraa

DhunDhtaa hai mujhe vo tegh liye aur main vahin
Dar ke maare pas-e-divaar chhupaa baiThaa huun