na us mein phuul khilaa aur na koi khvaab ugaa — Farah Khan

us kaa milnaa hai ajab tarah kaa mujh se milnaa
dasht-e-imkaan mein ho phulon kaa jaise khilnaa

mil hi jaaoge mujhe vaqt ki gardish se pare
bas zaraa jism ki divaar giraani hogi

ham bhuul gae ahd-o-karam tere sitam bhi
ab tujh se zamaane se gila kuchh bhi nahin hai

nahin nasib mein manzil to raaste kyon hain
tavil-tar ye judaai ke silsile kyon hain

is teri mohabbat mein milaa kuchh bhi nahin hai
main jaan gai huun ki sila kuchh bhi nahin hai

had-e-imkaan se pare tak main tujhe chaahungi
tu mujhe apne mayassar ki hadon mein milnaa

mere khvaabon ke jharokon ko sajaate rahiye
na sahi vasl magar yaad to aate rahiye

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

main ne dekhaa hai bahaaron mein chaman ko jalte
hai koi khvaab ki taabir bataane vaalaa

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae