main bhi sapne dar aane ke sab raste masdud karun — Farhan Hanif Warsi

dilon ke mel se aage labon ke silsile saare
jo lab khaamosh hote hain to aankhein baat karti hain

tumhi ne raah mein ik ghar basaa liyaa varna
mohabbaton kaa safar to tavil thaa jaanaan

jis ki khaatir sabhi rishton se huaa thaa munkir
ab sunaa hai ki vahi shakhs khafaa hai mujh se

us kaa andaaz ruuTh jaane kaa
hai bahaana qarib aane kaa

vo ek moD jahaan vo kabhi milaa thaa mujhe
us ek moD par us ko judaa bhi honaa thaa

parinde so gae jaa ke gharon mein
shajar jangal mein phir kyuun jaagtaa hai

mere khvaabon ke jharokon ko sajaate rahiye
na sahi vasl magar yaad to aate rahiye

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

tumhaare khvaab se har shab lipaT ke sote hain
sazaaein bhej do ham ne khataaein bheji hain