anaa ki jang mein ham jiit to gae lekin — Farhat Abbas Shah

us ke baare mein bahut sochtaa huun
mujh se bichhDaa to kidhar jaaegaa

baarish hui to ghar ke dariche se lag ke ham
chup-chaap sogvaar tumhein sochte rahe

kabhi sahar to kabhi shaam le gayaa mujh se
tumhaaraa dard kai kaam le gayaa mujh se

saans letaa huun to rotaa hai koi siine mein
dil dhaDaktaa hai to maatam ki sadaa aati hai

use ziyaada zarurat thi ghar basaane ki
vo aa ke mere dar-o-baam le gayaa mujh se

main be-khayaal kabhi dhuup mein nikal aauun
to kuchh sahaab mire saath saath chalte hain

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

un ki ammi ho chalin thiin rafta rafta ham-khayaal
haan magar abbaa kaa un ke varghalaanaa yaad hai

jo aashiq ho use sahraa mein chal jaane se kyaa nisbat
juz apni dhuul uDaanaa aur viraane se kyaa nisbat

ghairon ko bhalaa samjhe aur mujh ko buraa jaanaa
samjhe bhi to kyaa samjhe jaanaa bhi to kyaa jaanaa