jism kaa kuuza hai apnaa aur na ye dariyaa-e-jaan — Farhat Ehsas

vo chaand kah ke gayaa thaa ki aaj niklegaa
to intizaar mein baiThaa huaa huun shaam se main

ek bose ke bhi nasib na hon
honTh itne bhi ab gharib na hon

phir soch ke ye sabr kiyaa ahl-e-havas ne
bas ek mahina hi to ramzaan rahegaa

mire ashaar hain vo aasmaani khvaab jin ko
miri miTTi ke honThon par utaaraa jaa rahaa hai

ik aayat-e-vajud huun miTTi ke Dher mein
mere nuzul ki to koi shaan hi nahin

mohabbat phuul banne par lagi thi
palaT kar phir kali kar li hai main ne

qatra Thiik hai dariyaa hone mein nuqsaan bahut hai
dekh to kaise Duub rahaa hai meraa lashkar mujh mein

us but ke nahaane se huaa saaf ye paani
moti bhi sadaf mein tah-e-dariyaa nazar aayaa

biich dariyaa mein utar kar dekhiye
'ishq-dariyaa mein kinaare kuchh nahin

sunaa ye thaa bahut aasuda hain saahil ke baashinde
magar TuuTi hui kashti mein dariyaa paar honaa thaa

is raaz ko kyaa jaanein saahil ke tamaashaai
ham Duub ke samjhe hain dariyaa tiri gahraai

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar