raat se ek soch mein gum huun — Fariha Naqvi

ain mumkin hai use mujh se mohabbat hi na ho
dil bahar-taur use apnaa banaanaa chaahe

vo khudaa hai to bhalaa us se shikaayat kaisi?
muqtadir hai vo sitam mujh pe jo Dhaanaa chaahe

kis kis phuul ki shaadaabi ko maskh karoge bolo!!!
ye to us ki den hai jis ko chaahe vo mahkaae

andar aisaa habs thaa main ne khol diyaa darvaaza
jis ne dil se jaanaa hai vo khaamoshi se jaae

aankh aur baadal donon TuuT ke rote hain
jaane in kaa aapas mein kyaa rishta hai

tumhaare rang phike paD gae naan
miri aankhon ki viraani ke aage

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

subh tak main sochtaa huun shaam se
ji rahaa hai kaun mere naam se

kabhi miloge ye soch kar dil
hazaar sapne bunaa karegaa

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

kah rahaa iblis ab shaitaan se
fikr-e-fardaa chhin is insaan se