aks jo aasmaan pe rakkhaa hai — Fauziya Rabab

ishq jab se mujhe mayassar hai
khud ko hoti nahin mayassar main

mujh se puchhaa jo kisi ne tiri pahchaan bataa
main pukaari main tumhaari main tumhaari maulaa

kuza-gar main tiri mohabbat mein
apni surat bigaaD leti huun

vaqt jab aaina dikhaataa hai
aadmi khud ko bhuul jaataa hai

aaj phir tum ko ham ne dekhaa hai
aaj mahshar bani hain ye aankhein

jab vo kahti hai yuun ki uf tauba
meri tauba hi TuuT jaati hai

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

aasmaan jhaank rahaa hai 'khaalid'
chaand kamre mein mire utraa hai