mire liye na ruk sake to kyaa huaa — Fazil Jamili

misaal-e-shama jalaa huun dhuaan saa bikhraa huun
main intizaar ki har kaifiyat se guzraa huun

safed-poshi-e-dil kaa bharam bhi rakhnaa hai
tiri khushi ke liye teraa gham bhi rakhnaa hai

ab kaun jaa ke saahib-e-mimbar se ye kahe
kyuun khuun pi rahaa hai sitamgar sharaab pi

puraane yaar bhi aapas mein ab nahin milte
na jaane kaun kahaan dil lagaa ke baiTh gayaa

zindagi ho to kai kaam nikal aate hain
yaad aaungaa kabhi main bhi zarurat mein use

tum kabhi ek nazar meri taraf bhi dekho
ik tavaqqo hi to hai koi guzaarish to nahin

gham hai na ab khushi hai na ummid hai na yaas
sab se najaat paae zamaane guzar gae

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

ye zindagi hai apni kabhi khush kabhi udaas
is kashmakash se mujh ko khudaayaa rihaai de

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa