maangne se huaa hai vo khud-sar — Fazl Tabish

vahi do-chaar chehre ajnabi se
unhin ko phir se dohraanaa paDegaa

use maalum hai main sar-phiraa huun
magar khush hai ki us ko chaahtaa huun

na kar shumaar ki har shai gini nahin jaati
ye zindagi hai hisaabon se ji nahin jaati

sunte hain ki in raahon mein majnun aur farhaad luTe
lekin ab aadhe raste se lauT ke vaapas jaae kaun

kamre mein aa ke baiTh gai dhuup mez par
bachchon ne khilkhilaa ke mujhe bhi jagaa diyaa

har ik shai khuun mein Duubi hui hai
koi is tarah se paidaa na hotaa

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

pyaaso raho na dasht mein baarish ke muntazir
maaro zamin pe paanv ki paani nikal paDe

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

aasmaan jhaank rahaa hai 'khaalid'
chaand kamre mein mire utraa hai