main us ke jhuuT ko bhi sach samajh ke suntaa huun — Ghazanfar

kal tak jo shaffaaf the chehre aavaazon se khaali the
aaDi-tirchhi surkh lakirein un par bhi ab dekhoge

hamaare haath se vo bhi nikal gayaa aakhir
ki jis khayaal mein ham muddaton se khoe the

rafta rafta aankhon ko hairaani de kar jaaegaa
khvaabon kaa ye shauq hamein viraani de kar jaaegaa

daftar mein zehn ghar pe nigah raaste mein paanv
jiine ki kaavishon mein badan haath se gayaa

har ek raat kahin duur bhaag jaataa huun
har ek subh koi mujh ko khinch laataa hai

na jaane kis tarah bistar mein ghus kar baiTh jaati hain
vo aavaazein jinhein ham roz baahar chhoD aate hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

jo zindagi ki maang sajaate rahe sadaa
qiston mein baanT kar unhein jiinaa diyaa gayaa

aisaa ho zindagi mein koi khvaab hi na ho
andhiyaari raat mein koi mahtaab hi na ho

main ye chaahtaa huun ki umr-bhar rahe tishnagi mire ishq mein
koi justuju rahe darmiyaan tire saath bhi tire baa'd bhi