charaagh-e-khaana-e-darvesh huun main — Hafeez Jalandhari

'hafiz' apni boli mohabbat ki boli
na urdu na hindi na hindostaani

vafaa jis se ki bevafaa ho gayaa
jise but banaayaa khudaa ho gayaa

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

ai miri jaan apne ji ke sivaa
kaun teraa hai kaun meraa hai

dekhaa jo khaa ke tiir kamin-gaah ki taraf
apne hi doston se mulaaqaat ho gai

ham faqiron se be-adaai kyaa
aan baiThe jo tum ne pyaar kiyaa

ek aalim hai jo sajdon mein gila kartaa hai
ek darvesh hai jo haalaat-e-namnaak mein khush

kabhi darvesh ke takiya mein bhi aa kar dekho
tang-dasti mein bhi aaraam mayassar niklaa

ye baadshaah nahin hai faqir hai suraj
hamesha raat ki jholi se din nikaaltaa hai

ghar-baar chhoD kar vo faqiron se jaa mile
chaahat ne baadshaahon ko mahkum kar diyaa

dekhe na faqiri ko koi shak se hamaari
divaar mein dar bantaa hai dastak se hamaari