kisi ki mahram-e-aab-e-ravaan ki yaad aai — Haidar Ali Aatish

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

aap ki naazuk kamar par bojh paDtaa hai bahut
baDh chale hain had se gesu kuchh inhein kam kijiye

kuchh nazar aataa nahin us ke tasavvur ke sivaa
hasrat-e-didaar ne aankhon ko andhaa kar diyaa

sun to sahi jahaan mein hai teraa fasaana kyaa
kahti hai tujh ko khalq-e-khudaa ghaaebaana kyaa

har shab shab-e-baraat hai har roz roz-e-id
sotaa huun haath gardan-e-minaa mein Daal ke

us gul-badan ki bu-e-badan kuchh na puchhiye
band-e-qabaa jo khol diye ghar mahak gayaa

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

kar kuchh aisaa ki tujhe yaad rakhun
bhuul jaane kaa taqaazaa hi sahi

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

koi shikva na gham na koi yaad
baiThe baiThe bas aankh bhar aai

na toDo dil ki hai kaaba kaa Dhaanaa
ye do ghar hain magar buniyaad hai ek