aankhon mein jal rahe the diye e'tibaar ke — Haneef Akhgar

koi saaghar pe saaghar pi rahaa hai koi tishna hai
murattab is tarah aain-e-mai-khaana nahin hotaa

hasin surat hamein hamesha hasin hi maalum kyuun na hoti
hasin andaaz-e-dil-navaazi hasin-tar naaz barhami kaa

kushta-e-zabt-e-fughaan naghma-e-be-saaz-o-sadaa
uf vo aansu jo lahu ban ke Tapaktaa hogaa

puchhti rahti hai jo qaisar-o-kisraa kaa mizaaj
shaan ye khaak-nashinon mein kahaan se aai

jo musaafir bhi tire kuche se guzraa hogaa
apni nazron ko bhi divaar samajhtaa hogaa

har taraf hain khaana-barbaadi ke manzar be-shumaar
kuchh Thikaana hai bhalaa is jazba-e-taamir kaa

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

raat yuun dil mein tiri khoi hui yaad aai
jaise viraane mein chupke se bahaar aa jaae

har ek shaakh pe viraaniyaan musallat hain
badan-darakht bhi goyaa hai aashiyaan-e-shab