ham aise log zaaea ho rahe hain — Haseebul Hasan

hamaare aansu kisi Thikaane to lag rahe hain
furaat ke bad-nasib paani kaa kyaa banegaa

tumhaari aankhon pe nazm kahne se pahle ham ne bhigoi aankhein
sunaa huaa thaa zamin nam ho to achchhi hoti hai kaasht-kaari

us ke meaar par khudaa laae
us nazar tak to aa gae hain ham

sitaare dekhne vaale hamein bataate hain
hamaare honT tumhaari jabin ko tarseinge

use bataanaa parinde use bulaate hain
use bataanaa ki shaair udaas hai us kaa

ye saath gaanv mein ek chhoTaa saa kaam hai bas
miri udaasi udaas mat ho main aa rahaa huun

main baDaa ho gayaa huun magar bachpanaa
mere dil se kabhi bhi gayaa hi nahin

main chup rahaa to aankh se aansu ubal paDe
jab bolne lagaa miri aavaaz phaT gai

ye dar-o-divaar par be-naam se chup-chaap saae
phulon raston aur bachchon ki hifaazat chaahte hain

har ek baat ko chup-chaap kyuun sunaa jaae
kabhi to hausla kar ke nahin kahaa jaae

kyaa kyaa pukaarein sisakti dekhin lafzon ke zindaanon mein
chup hi ki talqin kare hai ghairat-mand zamir hamein

ik hamaari sadaa thi is ban mein
lo ji khaamosh ho gae ham bhi