kaisaa jaadu hai samajh aataa nahin — Ibn

dil mein sajde kiyaa karo 'mufti'
is mein parvardigaar rahtaa hai

yuun to patthar bahut se dekhe hain
koi tum saa nazar nahin aayaa

ab to kar Daaliye vafaa us ko
vo jo vaada udhaar rahtaa hai

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

jin pe naazaan the ye zamin o falak
ab kahaan hain vo suratein baaqi

tere khvaabon ki lat lagi jab se
raat kaa intizaar rahtaa hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

aankhon mein khvaab chubhan sone nahin deti hai
ek muddat se hamein tu ne jagaa rakkhaa hai

ham yunhi khvaab bunte rahte hain
khel saaraa qazaa kaa hotaa hai

kartaa huun ek khvaab ke mubham nuqush yaad
jab se khuli hai aankh isi mashghale mein huun

main jaantaa huun ye mumkin nahin magar ai dost
main chaahtaa huun ki vo khvaab phir baham kiye jaaein