dil mein sajde kiyaa karo 'mufti' — Ibn

yuun to patthar bahut se dekhe hain
koi tum saa nazar nahin aayaa

ab to kar Daaliye vafaa us ko
vo jo vaada udhaar rahtaa hai

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

jin pe naazaan the ye zamin o falak
ab kahaan hain vo suratein baaqi

tere khvaabon ki lat lagi jab se
raat kaa intizaar rahtaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

baadalon ne aaj barsaayaa lahu
amn kaa har faakhta rone lagaa

uDti hai khaak dil ke darichon ke aas-paas
shaayad makin koi nahin is makaan mein

phir aaj ek ghazal keh ke main mo'attar huun
phir aaj zakhm kiye apne sandali main ne

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi