dekh kar insaan ki bechaargi — Iffat Zarrin

vo mujh ko bhuul chukaa ab yaqin hai varna
vafaa nahin to jafaaon kaa silsila rakhtaa

agar vo chaand ki basti kaa rahne vaalaa thaa
to apne saath sitaaron kaa qaafila rakhtaa

zehn o dil ke faasle the ham jinhein sahte rahe
ek hi ghar mein bahut se ajnabi rahte rahe

patthar ke jism mom ke chehre dhuaan dhuaan
kis shahr mein uDaa ke havaa le gai mujhe

vo mil gayaa to bichhaDnaa paDegaa phir 'zarrin'
isi khayaal se ham raaste badalte rahe

kaun pahchaanegaa 'zarrin' mujh ko itni bhiiD mein
mere chehre se vo apni har nishaani le gayaa

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

gul kiyaa jis ne vo thaa aur magar
shama ne shikva havaaon se kiyaa