khvaahish-e-didaar mein aankhein bhi hain meri raqib — Imdad Ali Bahr

qaazi ko jo rind kuchh chaTaa dein
masjid ki baghal mein mai-kada ho

khush raho yaar agar ham se ho bezaar bahut
dil agar apnaa salaamat hai to dildaar bahut

mire qatl par tum ne biiDaa uThaayaa
mire haath kaa paan khaayaa to hotaa

ham na kahte the hansi achchhi nahin
aa gai aakhir rukaavaT dekhiye

mire baghair na ik-dam use qaraar aataa
zaraa bhi zabt jo mujh be-qaraar mein hotaa

sau fasaad ek ishq mein uTThe
boyaa ik tukhm uge hazaar darakht

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

ik tarz-e-taghaaful hai so vo un ko mubaarak
ik arz-e-tamannaa hai so ham karte raheinge

nahin nigaah mein manzil to justuju hi sahi
nahin visaal mayassar to aarzu hi sahi

ye aarzu bhi baDi chiiz hai magar hamdam
visaal-e-yaar faqat aarzu ki baat nahin

yaar pahlu mein hai tanhaai hai kah do nikle
aaj kyuun dil mein chhupi baiThi hai hasrat meri