shaam ko teraa hans kar milnaa — Ishrat Afreen

laDkiyaan maaon jaise muqaddar kyuun rakhti hain
tan sahraa aur aankh samundar kyuun rakhti hain

akele ghar mein bhari dopahar kaa sannaaTaa
vahi sukun vahi umr bhar kaa sannaaTaa

teraa naam likhti hain ungliyaan khalaaon mein
ye bhi ik duaa hogi vasl ki duaaon mein

ye aur baat ki kam-hausla to main bhi thi
magar ye sach hai use pahle main ne chaahaa thaa

apni aag ko zinda rakhnaa kitnaa mushkil hai
patthar biich aaina rakhnaa kitnaa mushkil hai

bhuuk se yaa vabaa se marnaa hai
faisla aadmi ko karnaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

vasl ki raat ke sivaa koi shaam
saath le kar sahar nahin aati

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

shaam ke tiir se zakhmi hai 'khurshid' kaa siina
nuur simaT kar surkh kabutar ban jaataa hai