ho hari shaakh-e-tamannaa yaa na ho — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

jo tire ishq mein tabaah huaa
koi us ko tabaah kar na sakaa

kahte nahin hain haal kisi raazdaan se ham
vaaqif hue hain jab se fareb-e-jahaan se ham

vo jaantaa hai magar bevafaa nahin kahtaa
ab us ki maslihatein kyaa bataaein dukh ki hain

har ik surat pe dhokaa khaa rahi hain teri surat kaa
abhi aataa nahin nazron ko taa-hadd-e-nazar jaanaa

us bevafaa pe marne ko aamaada dil nahin
lekin vafaa ki zid hai ki mar jaanaa chaahiye

muqaddar se mire donon ke donon bevafaa nikle
na umr-e-bevafaa palTi na phir jaa kar shabaab aayaa

nigaah-e-naaz ki maasumiyat are tauba
jo ham fareb na khaate to aur kyaa karte