vaada vo kar rahe hain zaraa lutf dekhiye — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

jo tire ishq mein tabaah huaa
koi us ko tabaah kar na sakaa

mazhab-e-ishq-o-vafaa mujh ko ye detaa hai salaah
tu jo kaafir nahin hotaa to musalmaan bhi na ho

ham ne ye dekh liyaa dekh liyaa dekh liyaa
aap bhi 'nuh' ke tufaan se Dar jaate hain

ki vafaa kis se bhalaa faahisha-e-duniyaa ne
hai tujhe shauq jo is qahba ki daamaadi kaa

baad khat aane ke us se thaa vafaa kaa ehtimaal
lek vaan tak umr ne apni vafaadaari na ki

vaise to ik aansu hi bahaa kar mujhe le jaae
aise koi tufaan hilaa bhi nahin saktaa

aashiqi mein bahut zaruri hai
bevafaai kabhi kabhi karnaa