aashiqi mein bahut zaruri hai — Bashir Badr

na tum hosh mein ho na ham hosh mein hain
chalo mai-kade mein vahin baat hogi

sar jhukaaoge to patthar devtaa ho jaaegaa
itnaa mat chaaho use vo bevafaa ho jaaegaa

raat kaa intizaar kaun kare
aaj kal din mein kyaa nahin hotaa

ujaale apni yaadon ke hamaare saath rahne do
na jaane kis gali mein zindagi ki shaam ho jaae

jis din se chalaa huun miri manzil pe nazar hai
aankhon ne kabhi miil kaa patthar nahin dekhaa

koi phuul saa haath kaandhe pe thaa
mire paanv shoalon pe jalte rahe

bevafaa kahiye baa-vafaa kahiye
dil mein aae jo barmalaa kahiye

main kis liye tujhe ilzaam-e-bevafaai duun
ki main to aap hi patthar huun apne raste kaa

husn thaa teraa bahut aalam-fareb
khat ke aane par bhi ik aalam rahaa

samjhaa liyaa fareb se mujh ko to aap ne
dil se to puchh lijiye kyuun be-qaraar hai

tire aane kaa dhokaa saa rahaa hai
diyaa saa raat bhar jaltaa rahaa hai

ishq mein sachchaa thaa vo meri tarah
bevafaa to aazmaane se huaa