baraabar se bach kar guzar jaane vaale — Jigar Moradabadi

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

vo nazron hi nazron mein savaalaat ki duniyaa
vo aankhon hi aankhon mein javaabaat kaa aalam

nigaah-e-shauq ne mahshar mein saaf taaD liyaa
kahaan vo chhupte ki aankhon mein the samaae hue

ham kahin aate hain vaaiz tire bahkaane mein
isi maikhaane ki miTTi isi maikhaane mein

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

pyaaso raho na dasht mein baarish ke muntazir
maaro zamin pe paanv ki paani nikal paDe

gharaz kisi se na ai dosto kabhu rakhiyo
bas apne haath yahaan apni abru rakhiyo

yuun ji bahal gayaa hai tiri yaad se magar
teraa khayaal tere baraabar na ho sakaa

sab munajjam kahte hain ab hai baraabar raat din
sar se paa tak dekh kar zulf-e-daraaz-e-yaar ko

barsaat kaa mazaa tire gesu dikhaa gae
aks aasmaan par jo paDaa abr chhaa gae

but-khaana-e-dil meraa kaabe ke baraabar hai
vaajib hai tujhe jaanaan ikraam mire dil kaa