ham ru-ba-ru-e-shama hain is intizaar mein — Jitendra Mohan Sinha Rahbar

dozakh se bhi kharaab kahun main bahisht ko
do-chaar agar vahaan pe bhi sarmaaya-daar hon

ek aansu bhi agar ro de to jaanun tujh ko
meri taqdir mujhe dekh kar hansti kyaa hai

rashk-e-jinaan chaman ko banaanaa basant kaa
har har kali mein rang dikhaanaa basant kaa

har samt sabza-zaar bichhaanaa basant kaa
phulon mein rang-o-bu ko luTaanaa basant kaa

tu ne hi rah na dikhaai to dikhaaegaa kaun
ham tiri raah mein gumraah hue baiThe hain

qudrat ki barkatein hain khazaana basant kaa
kyaa khuub kyaa ajiib zamaana basant kaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ab jo patthar hai aadmi thaa kabhi
is ko kahte hain intizaar miyaan

kuchh aisaa kar ki khuld aabaad tak ai 'shaad' jaa pahunchein
abhi tak raah mein vo kar rahe hain intizaar apnaa

ye intizaar na Thahraa koi balaa Thahri
kisi ki jaan gai aap ki adaa Thahri

qayaamat se nahin kam intizaar-e-vasl ki lazzat
khudaa jaane kahin vaada vafaa hotaa to kyaa hotaa