baraabar ek pyaasi ruuh ki aavaaz aati hai — Kaif Bhopali

chaahtaa huun phunk duun is shahr ko
shahr mein in kaa bhi ghar hai kyaa karun

kaise maanein ki unhein bhuul gayaa tu ai 'kaif'
un ke khat aaj hamein tere sirhaane se mile

mai-kasho aage baDho tishna-labo aage baDho
apnaa haq maangaa nahin jaataa hai chhinaa jaae hai

ham na piyeinge bhiik ki saaqi
le ye tiraa paimaana paDaa hai

kyaa koi mohabbat mein yuun bhi benaam-o-nishaan ho jaataa hai
main huun ki abhi tak zinda huun duniyaa hai ki bhuli jaati hai

mat dekh ki phirtaa huun tire hijr mein zinda
ye puchh ki jiine mein maza hai ki nahin hai

pyaaso raho na dasht mein baarish ke muntazir
maaro zamin pe paanv ki paani nikal paDe

raat ko sonaa na sonaa sab baraabar ho gayaa
tum na aae khvaab mein aankhon mein khvaab aayaa to kyaa

piine se kar chukaa thaa main tauba magar 'jalil'
baadal kaa rang dekh ke niyat badal gai

yuun to jal bujhne mein donon hain baraabar lekin
vo kahaan shama mein jo aag hai parvaane mein

us ne baarish mein bhi khiDki khol ke dekhaa nahin
bhigne vaalon ko kal kyaa kyaa pareshaani hui

tamaam raat nahaayaa thaa shahr baarish mein
vo rang utar hi gae jo utarne vaale the