putliyon par raqs karnaa hi kalaam-e-fan nahin — Kausar Mazhari

giraa thaa bojh koi sar se mere
usi ko phir uThaanaa chaahtaa huun

vahi qatra jo kabhi kunj-e-sar-e-chashm mein thaa
ab jo phailaa hai to sailaab huaa jaataa hai

jaane kis khvaab-e-pareshaan kaa hai chakkar saaraa
bikhraa bikhraa huaa rahtaa hai miraa ghar saaraa

nazar jhuk rahi hai khamoshi hai lab par
hayaa hai adaa hai ki an-ban hai kyaa hai

rabt hai us ko zamaane se bahut suntaa huun
koi tarkib karun main bhi zamaana ho jaaun

mausam-e-dil jo kabhi zard saa hone lag jaae
apnaa dil khuun karo phuul ugaane lag jaao

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ye ham ko chhoD ke tanhaa kahaan chale 'vaamiq'
abhi to manzil-e-meraaj-e-daar baaqi hai

ai kaash mire gosh o nazar bhi rahein saabit
jab husn sunaa jaae yaa naghma nazar aae

in aansuon se bhalaa meraa kyaa bhalaa hogaa
vo mere baa'd jo royaa bhi yaad kar ke mujhe