umrein guzar gai hain asar ki talaash mein — Khadim Razmi

kuchh is liye bhi vo sailaab bhej detaa hai
ki bastiyon mein raho aur khanDar bhi saath rakho

ham ko jaanaa thaa kis taraf 'razmi'!
aur kis samt hain ravaan ham log

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

khizar bhi aap par aashiq hue hain
qazaa aai hayaat-e-jaavidaan ki

dekh ye baar kabhi sar se utartaa hi nahin
zindagi bhar ki musibat hai na ehsaan uThaa

us ki ulfat mein jite-ji marnaa
faaeda ye bhi zindagi se hai