sadaaein Duub jaati hain havaa ke shor mein aur main — Khalid Moin

lakirein khinchte rahne se ban gai tasvir
koi bhi kaam ho, be-kaar thoDi hotaa hai

haath chhuDaa kar jaane vaale
main tujh ko apnaa samjhaa thaa

munkashif! aaj talak ho na sakaa
main khalaa huun ki khalaa hai mujh mein

main ne tujh ko manzil jaanaa
tu mujh ko rasta samjhaa thaa

mohabbat ki to koi had, koi sarhad nahin hoti
hamaare darmiyaan ye faasle, kaise nikal aae

ajab pur-lutf manzar dekhtaa rahtaa huun baarish mein
badan jaltaa hai aur main bhigtaa rahtaa huun baarish mein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

baham ik mukhtasar se dil mein hain shaadi o gham donon
ye chhoTaa saa makaan aur is mein dozakh bhi hai jannat bhi

meri betaabi ki mushkil aap aasaan ho gai
baDh gayaa dard-e-dil-e-betaab to kam ho gayaa

ek dal aur khvaast-gaar hazaar
kyaa karun yak anaar sad bimaar