phir miri yaad aa rahi hogi — Kumar Vishwas

dil ke tamaam zakhm tiri haan se bhar gae
jitne kaThin the raaste vo sab guzar gae

koi divaana kahtaa hai koi paagal samajhtaa hai
magar dharti ki bechaini ko bas baadal samajhtaa hai

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

jab se milaa hai saath mujhe aap kaa huzur
sab khvaab zindagi ke hamaare sanvar gae

miraa khayaal tiri chuppion ko aataa hai
tiraa khayaal miri hichkiyon ko aataa hai

aadmi honaa khudaa hone se behtar kaam hai
khud hi khud ke khvaab ki taabir ban kar dekh le

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

kitne naadaan hain tire bhulne vaale ki tujhe
yaad karne ke liye umr paDi ho jaise

main ne majnun pe laDakpan mein 'asad'
sang uThaayaa thaa ki sar yaad aayaa

''aap ki yaad aati rahi raat bhar''
chaandni dil dukhaati rahi raat bhar

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

dam liyaa thaa na qayaamat ne hanuz
phir tiraa vaqt-e-safar yaad aayaa