chup raho kyuun mizaaj puchhte ho — Lala Madhav Ram Jauhar

ai dost tujh ko rahm na aae to kyaa karun
dushman bhi mere haal pe ab aab-dida hai

apni zabaan se mujhe jo chaahe kah lein aap
baDh baDh ke bolnaa nahin achchhaa raqib kaa

jab kahte hain ham karte ho kyuun vaada-khilaafi
farmaate hain hans kar ye nai baat nahin hai

us ne phir kar bhi na dekhaa main use dekhaa kiyaa
de diyaa dil raah chalte ko ye main ne kyaa kiyaa

mal rahe hain vo apne ghar mehndi
ham yahaan eDiyaan ragaDte hain

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

main baDaa ho gayaa huun magar bachpanaa
mere dil se kabhi bhi gayaa hi nahin

apni aankhon kaa samundar bah ke to khaamosh hai
dil ke andar ki sulagti aag ko ham kyaa karein

khamoshi meri lai mein gungunaanaa chaahti hai
kisi se baat karne kaa bahaanaa chaahti hai

so yuun huaa ki lagaa qufl nutq-o-lab pe mire
main tum se mil ke bahut der tak rahaa khaamosh

bahut dubli bahut patli hayaati hoti jaati hai
chapaati rafta rafta kaaghzaati hoti jaati hai

chaahein to is ko tegh-e-khamoshi se kaaT dein
lekin junun se jang zabaani kareinge ham