ye naadaani nahin to kyaa hai 'daanish' — Madan Mohan Danish

ye haasil hai miri khaamoshiyon kaa
ki patthar aazmaane lag gae hain

zindagi se mohabbat karo TuuT kar
maut kaa kaam dushvaar karte raho

ho gae phir tum kahin aabaad kyaa
hil gai tanhaai ki buniyaad kyaa

mohabbat ratjage aavaaragardi
zaruri kaam saare ho rahe hain

koi jab shahr se jaae to raunaq ruuTh jaati hai
kisi ki shahr mein maujudgi se kuchh nahin hotaa

jab apni be-kali se be-khudi se kuchh nahin hotaa
pukaarein kyon kisi ko ham kisi se kuchh nahin hotaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

gulaabon ke honTon pe lab rakh rahaa huun
use der tak sochnaa chaahtaa huun

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi