ho gae phir tum kahin aabaad kyaa — Madan Mohan Danish

ye haasil hai miri khaamoshiyon kaa
ki patthar aazmaane lag gae hain

zindagi se mohabbat karo TuuT kar
maut kaa kaam dushvaar karte raho

mohabbat ratjage aavaaragardi
zaruri kaam saare ho rahe hain

koi jab shahr se jaae to raunaq ruuTh jaati hai
kisi ki shahr mein maujudgi se kuchh nahin hotaa

ye naadaani nahin to kyaa hai 'daanish'
samajhnaa thaa jise samjhaa rahaa huun

jab apni be-kali se be-khudi se kuchh nahin hotaa
pukaarein kyon kisi ko ham kisi se kuchh nahin hotaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

lagtaa hai ki is dil mein koi qaid hai 'ashfaaq'
rone ki sadaa aati hai yaadon ke khanDar se

yuun dard ne ummid ke laD se mujhe baandhaa
dariyaaon ko jis tarah kinaaraa kare koi

main is liye bhi tire fan ki qadr kartaa huun
tu jhuuT bol ke aansu nikaal letaa hai