yahi hai zindagi apni yahi hai bandagi apni — Mahirul Qadri

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

agar khamosh rahun main to tu hi sab kuchh hai
jo kuchh kahaa to tiraa husn ho gayaa mahdud

naqaab-e-rukh uThaayaa jaa rahaa hai
vo nikli dhuup saayaa jaa rahaa hai

ye kah ke dil ne mire hausle baDhaae hain
ghamon ki dhuup ke aage khushi ke saae hain

ik baar tujhe aql ne chaahaa thaa bhulaanaa
sau baar junun ne tiri tasvir dikhaa di

ibtidaa vo thi ki jiine ke liye martaa thaa main
intihaa ye hai ki marne ki bhi hasrat na rahi

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

'anis' aasaan nahin aabaad karnaa ghar mohabbat kaa
ye un kaa kaam hai jo zindagi barbaad karte hain

use zid ki 'vaamiq'-e-shikva-gar kisi raaz se na ho baa-khabar
mujhe naaz hai ki ye dida-var miri umr bhar ki talaash hai

hai jis ki Thokaron mein aab-e-zindagi 'vaamiq'
vo tishnagi kaa samundar dikhaai detaa hai