main khaul uThaa dekh ke dariyaa kaa takabbur — Mahmood Ahmad Hashmi

zulm bhi sharmaa rahaa hai adl ki mizaan se
kuud jaanaa chaahiye minaar-e-paakistaan se

aisaa kahaan ye zaaiqa gandum ke paas hai
roTi mein maan ke haath ki shaamil miThaas hai

miri vafaa mein kami hai to mujh se baat kare
use kaho ki vo aae muzaakaraat kare

raae kyaa qaaem kareinge ajnabi us shahr mein
rasta batlaae jahaan par ek andhaa aadmi

pahle soyaa kartaa thaa 'mahmud' lambi taan kar
phir shuur aataa gayaa aur ratjage baDhte gae

miri tarah se shajar bhi hain baaghiyaana mizaaj
jahaan se kaaTe gae the vahin se ug aae

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

koi manzil aakhiri manzil nahin hoti 'fuzail'
zindagi bhi hai misaal-e-mauj-e-dariyaa raah-rau

aatish-fishaan zabaan hi nahin thi badan bhi thaa
dariyaa jo munjamid hai kabhi maujzan bhi thaa

meri fitrat hi mein shaamil hai mohabbat karnaa
aur fitrat kabhi tabdil nahin ho sakti

tujh ko paa kar bhi tujhe paane ki khvaahish hai abhi
mere dariyaa tu alag teri ravaani hai alag

kitne dinon ke pyaase honge yaaro socho to
shabnam kaa qatra bhi jin ko dariyaa lagtaa hai