shamim-e-pairahan-e-yaar kyaa nisaar karein — Makhdoom Mohiuddin

hujum-e-baada-o-gul mein hujum-e-yaaraan mein
kisi nigaah ne jhuk kar mire salaam liye

tumhaare jism kaa suraj jahaan jahaan TuuTaa
vahin vahin miri zanjir-e-jaan bhi TuuTi hai

hayaat le ke chalo kaaenaat le ke chalo
chalo to saare zamaane ko saath le ke chalo

aap ki yaad aati rahi raat bhar
chashm-e-nam muskuraati rahi raat bhar

ishq ke shoale ko bhaDkaao ki kuchh raat kaTe
dil ke angaare ko dahkaao ki kuchh raat kaTe

ye tamannaa hai ki uDti hui manzil kaa ghubaar
subh ke parde mein yaad aa gai shaam aahista

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

nahin bachtaa hai bimaar-e-mohabbat
sunaa hai ham ne 'goyaa' ki zabaani

tumhaaraa naam liyaa thaa kabhi mohabbat se
miThaas us ki abhi tak miri zabaan mein hai

ik baat kahein tum se khafaa to nahin hoge
pahlu mein hamaare dil-e-muztar nahin miltaa