vaqt hotaa hai bevafaa yaaro — Mansoor Usmani

haalaat kyaa ye tere bichhaDne se ho gae
lagtaa hai jaise ham kisi mele mein kho gae

aankhon se mohabbat ke ishaare nikal aae
barsaat ke mausam mein sitaare nikal aae

mujh se dilli ki nahin dil ki kahaani suniye
shahr to ye bhi kai baar luTaa hai mujh mein

jahaan jahaan koi urdu zabaan boltaa hai
vahin vahin miraa hindostaan boltaa hai

apni taarif suni hai to ye sach bhi sun le
tujh se achchhaa tiraa kirdaar nahin ho saktaa

shabnam ki jagah aag ki baarish ho magar ham
'mansur' na maangeinge duaa aur tarah ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

muhayyaa sab hai ab asbaab-e-holi
uTho yaaro bharo rangon se jholi

qayaamat tak judaa hove na yaa-rab
junun ke dast se meraa garebaan

jo tu aaina rakh kar saamne zevar pahantaa hai
tiri baali ki machhli tairti hai yaar paani mein

yahi ronaa hai furqat mein to jaan aankhon se niklegi
hai murgh-e-aabi uDne ke liye tayyaar paani mein