puchhte ho to suno kaise basar hoti hai — Meena Kumari Naz

ayaadat ko aae shifaa ho gai
miri ruuh tan se judaa ho gai

tere qadmon ki aahaT ko ye dil hai DhunDtaa har dam
har ik aavaaz par ik thartharaahaT hoti jaati hai

shama huun phuul huun yaa ret pe qadmon kaa nishaan
aap ko haq hai mujhe jo bhi ji chaahe kah lein

aaghaaz to hotaa hai anjaam nahin hotaa
jab meri kahaani mein vo naam nahin hotaa

ayaadat hoti jaati hai ibaadat hoti jaati hai
mire marne ki dekho sab ko aadat hoti jaati hai

hansi thami hai in aankhon mein yuun nami ki tarah
chamak uThe hain andhere bhi raushni ki tarah

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jab yaad mein taDpein to mohabbat ko baDhaa dein
khud dard-e-mohabbat ki masihaai mohabbat

kaun suntaa hai bhikaari ki sadaaein is liye
kuchh zarifaana latife yaad kar lete hain ham

ye ham ko chhoD ke tanhaa kahaan chale 'vaamiq'
abhi to manzil-e-meraaj-e-daar baaqi hai