is liye chup hain ki koi nahin sunne vaalaa — Mirza Azam Ali Azam

zakhm kaari lagaa to chuum liyaa
qabza khanjar kaa haath qaatil kaa

zindagi bhar na yam-e-dida-e-giryaan Thahraa
kashti-e-umr Duboi to ye tufaan Thahraa

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

aap ne tasvir bheji main ne dekhi ghaur se
har adaa achchhi khamoshi ki adaa achchhi nahin

us dariche mein bhi ab koi nahin aur ham bhi
sar jhukaae hue chup-chaap guzar jaate hain

phir khamoshi ne saaz chheDaa hai
phir khayaalaat ne li angDaai

aankhon mein nami si hai chup chup se vo baiThe hain
naazuk si nigaahon mein naazuk saa fasaana hai