us dariche mein bhi ab koi nahin aur ham bhi — Javed Akhtar

main paa sakaa na kabhi is khalish se chhuTkaaraa
vo mujh se jiit bhi saktaa thaa jaane kyuun haaraa

main bachpan mein khilaune toDtaa thaa
mire anjaam ki vo ibtidaa thi

ghairon ko kab fursat hai dukh dene ki
jab hotaa hai koi hamdam hotaa hai

koi shikva na gham na koi yaad
baiThe baiThe bas aankh bhar aai

unchi imaaraton se makaan meraa ghir gayaa
kuchh log mere hisse kaa suraj bhi khaa gae

tab ham donon vaqt churaa kar laate the
ab milte hain jab bhi fursat hoti hai

main baDaa ho gayaa huun magar bachpanaa
mere dil se kabhi bhi gayaa hi nahin

har taraf ik muhib sannaaTaa
dil dhaDaktaa to hai magar khaamosh

chapaatiyaan thiin bandhi peT par magar shab-bhar
ubhartaa Dubtaa main bhuuk ke bhanvar mein rahaa

tiraa chaDhaa huaa dariyaa samajh mein aataa hai
tire khamosh kinaare nahin samajhtaa huun

'kaif' paidaa kar samundar ki tarah
vusatein khaamoshiyaan gahraaiyaan

chup raho kyuun mizaaj puchhte ho
ham jiein yaa marein tumhein kyaa hai