zakhm kaari lagaa to chuum liyaa — Mirza Azam Ali Azam

is liye chup hain ki koi nahin sunne vaalaa
varna kahne ko saraapaa lab-e-goyaa ham hain

zindagi bhar na yam-e-dida-e-giryaan Thahraa
kashti-e-umr Duboi to ye tufaan Thahraa

na tum hosh mein ho na ham hosh mein hain
chalo mai-kade mein vahin baat hogi

aae kuchh abr kuchh sharaab aae
is ke baa'd aae jo azaab aae

kahaan milegi misaal meri sitamgari ki
ki main gulaabon ke zakhm kaanTon se si rahaa huun

rindon ko paabandi-e-duniyaa kahaan
kashti-e-mai ko nahin langar ki chaah

maston mein phuuT paD gai aate hi yaar ke
laDtaa hai aaj shishe se shisha sharaab kaa

dekhnaa kam-nigahi kijiyo mat ai saaqi
ba-juz-ushshaaq hai mai sab ko baraabar pahunche