aap mazlum ke ashkon se na khilvaaD karein — Mukhtar Tilhari

miri hansi ko sar-e-bazm sah liyaa us ne
phir us ke baa'd akele mein intiqaam liyaa

jis vaqt huaa karti hai bechain tabiat
us vaqt bayaabaan se lagte hain chaman bhi

hamaari samt se be-raghbati na kar varna
tire baghair qaraar aa gayaa to kyaa hogaa

dil dukhaanaa miraa nahin maqsad
haq-bayaani miri nahin jaati

vo aaein ham se dalil maangein
jo kah rahe hain khudaa nahin hai

miTaanaa chaahun to mumkin kahaan miTaa bhi sakun
vo ek baal jo aaina-e-khayaal mein hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

hudud-e-shahr se baahar bhi bastiyaan phailin
simaT ke rah gae yuun jangalon ke ghere bhi

jangalon mein kahin kho jaanaa hai
jaanvar phir mujhe ho jaanaa hai

phuul se baas judaa fikr se ehsaas judaa
fard se TuuT gae fard qabile na rahe