lahron kaa thartharaanaa kyun-kar pasand aave — Mushafi Ghulam Hamdani

is havaa mein kar rahe hain ham tiraa hi intizaar
aa kahin jaldi se saaqi shisha o saaghar samet

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

kuchh TuuTe phaTe siine ko saath apne safar mein
kyaa vo bhi musaafir jo na rakkhe sui taagaa

misr ko chhoD ke aai hai jo hindustaan mein
mere yusuf ki zulekhaa tu kharidaar hai kyaa

'mushafi' karb-o-balaa kaa safar aasaan nahin
sainkaDon basra-o-baghdaad mein mar jaate hain

mahrum hai naama-daar-e-duniyaa
paani se tihi habaab dekhaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

bosa jo rukh kaa dete nahin lab kaa dijiye
ye hai masal ki phuul nahin pankhuDi sahi

anal-haq ki haqiqat ko jo ho mansur so jaane
ki us ko aasmaan chaDhne se chaDhnaa daar behtar thaa

buz-dili hogi charaaghon ko dikhaanaa aankhein
abr chhaT jaae to suraj se milaanaa aankhein